雍澄軒住客真係投訴無門?

月租15000，因為想近小朋友學校，所以選擇左雍澄軒，剛剛睇盤只係卑示範單位你，仲話無乜分別一樣既，跟住就飢餓式營銷，因為當時急住租，所以就信左佢地既說話，當你交完租金，簽完約就開始變樣了，（期間話要翻新，等左大半個月）入住拿房就發現，不是同一樣野，示範單位真係好靚啊，d房真係又臭又殘，d床單仲要全部都係用過既痕跡，但既然都簽約咯，都無辦法，唯有繼續住，點知搬屋入野時，樓下大堂d員工串到不得了，我就已經知道中伏了，入住到而家都有幾個月了，無一件事投訴係即刻解決既，無一個員工係會用心回答既，左推右推，撒曬太極，三個電話解決五到一件事，想人地幫幫手，行個方便更加無可能，落去傾時，個個只會答你，我地做緊野，經理行開左，無事發生時，樓下好多人坐係度，當你有野落去投訴，d員工就會拉拉聲行左去，得一個係度扮做野，叫你等，叫你預約，我覺得而家五係租樓而係入左間集體宿舍，仲要個個係你既高層，好似你求佢地左野甘，而家租約仲有半年，日日對住d甘既大堂員工，我都真係好煩惱，想搬又未到期，要投訴就五知去邊度投訴，打過集團投訴電話，發現無一個係有人聽。留言都無復，五通真係因為酒店式住宅所以就大曬？各位幫幫手，可以去邊度投訴，真係五想又要再卑錢又要受氣…